Rau cov neeg tuav daim ntawv tso cai muag cawv: Ceev faj txog kev dag ntxias (phishing scam)
Tshaj Tawm Tam Sim No
Lub Xya Hli 8, 2026
City of Madison Clerk's Office tau paub tias tam sim no muaj kev dag ntxias (phishing scam) uas siv email cuav xa mus rau cov neeg tuav daim ntawv tso cai muag cawv.
Cov neeg dag ntxias siv cov ntaub ntawv thov thiab cov ntaub ntawv daim ntawv tso cai uas pej xeem saib tau los nrhiav cov neeg uas lawv yuav dag thiab ua kom cov email zoo li yog xa los ntawm tsoom fwv tiag.
Lawv hais kom cov neeg raug dag them nqi daim ntawv tso cai los ntawm kev xa nyiaj hauv txhab nyiaj (wire transfer), kev them nyiaj ncaj qha ntawm ib tus neeg mus rau lwm tus (peer-to-peer payment), lossis siv nyiaj digital (cryptocurrency).
Yuav tiv thaiv koj tus kheej li cas
Ua tib zoo xyuas tus email chaw nyob
Nroog Madison tsuas xa email los ntawm email uas xaus nrog "@cityofmadison.com" xwb.
Yog tias koj tau txais email los ntawm lwm hom email chaw nyob, ces yog email dag.
Kev them nqi daim ntawv tso cai
Lub nroog Madison yeej yuav tsis kom them nyiaj los ntawm:
- Kev xa nyiaj hauv txhab nyiaj (wire transfer)
- Nyiaj digital (cryptocurrency)
Cov nqi daim ntawv tso cai uas raug cai them tau los ntawm:
- Mus them tim ntsej tim muag ntawm Lub Nroog cov chaw ua haujlwm
- Xa daim tshev (check) hauv kev xa ntawv
- Hu xov tooj them nrog City Treasurer's Office
Xyuas kom tseeb ua ntej them nyiaj
Yog tias koj muaj lus nug txog seb qhov kev thov them nyiaj puas yog tiag, lossis xav paub txog koj daim ntawv thov daim ntawv tso cai, thov tiv tauj ncaj qha rau City lub chaw haujlwm uas tab tom saib xyuas koj daim ntawv thov.
Kev Tiv Tauj
Clerk's Office
- clerk@cityofmadison.com
- 608-266-4601
City Treasurer
608-266-4771