Madison Tau Txais Khoom Plig Pob Peev Nyiaj Los Ntawm Tsoom Fwv Teb Chaws rau Kev Tawm Lub Phiaj Xwm Tes Dej Num Kev Thauj Mus Los Kom Muaj Kev Nyab Xeeb
posted
Tsoom Fwv Meskas Lub Tuam Tsev Hauj Lwm Saib Xyuas Kev Thauj Mus Los tau tshaj tawm tias Lub Nroog Madison tau raug xaiv los txais pob peev nyiaj rau kev tawm lub phiaj xwm tes dej num kev thauj mus los kom muaj kev nyab xeeb uas yog ib feem ntawm US DOT Tes Dej Num Muab Pob Nyiaj Pab Dawb Txhawm Kom Cov Kev Tsheb thiab Kev Taug Taw Muaj Kev Nyab Xeeb Rau Txhua Tus Neeg (Safe Streets and Roads for All (Safe Streets and Roads for All, SS4A) Grant Program). Kev tawm lub phiaj xwm muab pob nyiaj pab dawb suav yog $267,680 hauv tsoom fwv teb chaws pob peev nyiaj txhawm los pab Lub Nroog ua txuas ntxiv cov ua hauj lwm nrog Lub Zeem Muag Ntxaiv (Vision Zero) thiab lwm qhov dej num txog kev nyab xeeb. Cov peev nyiaj pab dawb txhawb nqa ntxiv uas xav tau rau kev tawm lub phiaj xwm uas tau txheeb xyuas cia hauv Lub Nroog Lub Phiaj Xwm Nqis Tes Ua Lub Zeem Muag Ntxaiv (Vision Zero Action Plan) thiab Phau Ntawv Qhia Txhij Txhua Txog Kev Tsheb Xim Ntsuab (Complete Green Streets Guide).
Cov dej num kev tawm lub phiaj xwm uas tau txais pob peev nyiaj suav muaj:
- Hloov kho Lub Phiaj Xwm Kev Taug Taw hauv Lub Nroog, suav nrog kev qhia txog qib tseem ceeb ntawm tes dej num yuav ntsuas saib raws li kev nyab xeeb thiab kev ncaj ncees
- Kev txhawb rau kev hloov kho Lub Phiaj Xwm Tsheb kauj vab ntawm Lub Nroog, txhawm kom Cov Nev Vawj Tsheb Kauj Vab Muaj Rau Txhua Pawg Hnub Nyoog, daim phiaj qhia kev uas tseem ceeb tshaj plaws ntawm peb txhawm kom ntseeg tau tias txhua tus neeg tuaj yeem muaj kev nyab xeeb hauv kev caij tsheb kauj vab, thiab kev qhia txog qib tseem ceeb ntawm tes dej num uas tsim nyog hauv kev ua kom tiav lub vev vawj.
- Txhawb kev hloov kho Lub Phiaj Xwm Kev Mus Los ntawm Tsev Kawm Ntawv, pab kom txhua lub tsev kawm ntawv muaj cov phiaj xwm hloov kho tshiab, thiab txheeb xyuas kev txhim kho kev nyab xeeb tseem ceeb ntawm cov tsev kawm ntawv uas xaiv
- Txhab ntxiv kev ntsuam xyuas txog cov kev uas muaj plaub txoj kev sib tshuam uas nyiam muaj kev tsoo tib neeg taug kev thiab tib neeg caij tsheb kauj vab
- Kev koom ua ke ntawm kev tawm lub phiaj xwm saib xyuas kev nyab xeeb tom qab sib tsoo rau hauv txoj cai Lub Zeem Muag Ntxaiv (Vision Zero) thiab kev txhim kho los ntawm kev tshuaj xyuas lub sij hawm teb thiab lwm yam kev xav tau thaum muaj xwm ceev
Cov peev nyiaj ntawm SS4A yog ib feem ntawm Bipartisan Infrastructure Law, dhau los thaum kawg ntawm xyoo 2021, uas muab pob peev nyiaj rau tes dej num tsom mus rau kev tiv thaiv kev tag lub neej txoj sia thiab kev raug mob hnyav hauv lub teb chaws txoj kev tsheb loj. Lub Nroog Madison yog ib ntawm yim lub cheeb tsam nroog Wisconsin thiab tau txais pob peev nyiaj hauv thawj zaug ntawm SS4A cov nyiaj pab dawb.
Yang Tao, Tus Thawj Coj Feem Hauj Lwm Kev Tawm Qauv Kev Tsheb ntawm Lub Nroog Madison tau hais tias "Cov nyiaj pab yuav pab rau Lub Nroog Madison nqis tes ua cov phiaj xwm kom tsim nyog los ua qhov tseem ceeb ntawm tes dej num kom zoo tshaj plaws uas yuav ua rau muaj qhov sib txawv loj tshaj plaws hauv kev txhim kho kev nyab xeeb rau cov neeg taug kev thiab caij tsheb kauj vab." "Tsis tas li ntawd nws kuj tseem muab lub cib fim rau kev txiav txim siab ntxiv txog tias yuav ua li cas peb thiaj li tuaj yeem pab ua kom muaj kev daws teeb meem zoo tshaj plaws yog tias muaj teeb meem tsheb sib tsoo tshwm sim tuaj."
Lwm lub cib fim txhawm los thov SS4A cov peev nyiaj xav tias tej zaum yuav rov qab muaj dua nyob rau lub Plaub Hlis Ntuj. Lub Nroog Madison yuav ua hauj lwm nrog peb cov neeg koom tes hauv cheeb tsam txhawm xa daim ntawv thov pob peev nyiaj los txhim kho kev nyab xeeb uas tseem ceeb ntawm cov kev hauv cheeb tsam Madison.
Links
- Safe Streets and Roads for All (SS4A) Grant Program
- Vision Zero Action Plan
- Complete Green Streets Guide
Images
Cov Feem Hauj Lwm:
