Cov Rooj Sib Tham Zaum Tom Ntej Hais Txog Chaw Ua Tshav Tsheb Hauv Madison Rau Txoj Kev Tsheb Ciav Hlau Thauj Neeg

Lub Nroog Madison caw kom lub zej zog mus koom peb thiab qhia koj li lus xam pom nyob rau ib ntawm ob cov rooj sib tham nrog zej tsoom tom ntej no kom pom txog qhov tau los ntawm npaj tseg txog kev ntsuam xyuas txog ntu kev rau txoj kev tsheb ciav hlau thauj neeg, thiab kawm ntxiv txog ntawm ntau cov chaw ntxim yuav muab ua tshav tsheb nyob rau hauv qhov yuav coj los ua zoo xav. 

Lub Nroog Madison Feem Hauj Lwm Thauj Mus Los, nrog rau Wisconsin Lub Tuam Tsev Hauj Lwm ntsig txog Kev Thauj Mus Los (Department of Transportation), Amtrak, thiab cov kws sab laj, yuav sib tham txog yim cov chaw ntxim zoo ua tshav nres tsheb rau cov kev tsheb ciav hlau me thauj neeg muaj nyob rau hauv peb ncua kev—hauv nroog, ze rau Madison Lub Khw Nce Rau Tsoom Fwv tom ntej thiab los ntawm Oscar Mayer lub chaw tsim khoom qub. Nws yuav muaj kev piav txog cov lus nug thiab lus teb, ua khub nrog zej tsoom li lus xam pom hauv kev ntsuam xyuas, thiab lub tsev uas qhib tom qab kev

nthuav qhia. 

Thov ua zoo xav koom nrog peb rau ib ntawm ob cov rooj sib tham nrog zej tsoom tom ntej no:

Koom Lub Rooj Sib Tham Nrog Zej Tsoom Ntawm Tus Kheej

Hnub Tuesday, Lub Ib Hlis Ntuj Tim 30, 2024

5:00 - 7:00 tsaus ntuj

Madison Municipal Building - Chav 215

215 Martin Luther King Jr Blvd, Madison, WI 53703

Koom Lub Rooj Sib Tham Nrog Zej Tsoom Hauv Oos Lais

Hnub Tuesday, Lub Ob Hlis Ntuj Tim 6, 2024

6:00 - 7:30 tsaus ntuj. Yuav tsum tau sau npe.

Zoom – Sau npe ntawm no

"Pab pawg lis hauj lwm tau ua hauj lwm nrog peb ntau cov khub koom tes nyob rau txoj hauj lwm no los txheeb txog cov chaw ntxim zoo ua tshav tsheb thiab ntsuam xyuas nws seb puas haum nrog ntau cov hauj lwm tseem ceeb rau ua lub tshav tsheb," raws li Tom Lynch, Tus Thawj Coj ntsig txog Kev Thauj Mus Los rau Nroog Madison hais. "Qhov kev tshawb fawb tsuas yog ib kauj ruam nyob rau txoj kev yuav ua mus tom ntej los kho kev pab cuam kev tsheb ciav hlau me thauj neeg mus rau Madison. Peb tos ntsoov los qhia kom meej ntxiv nrog zej tsoom thiab mloog lus qhia kev xam pom."

Lus qhia ntxiv txog txoj hauj lwm

Tau muaj kev ua kev tshawb fawb vim yog cov qib ua keeb kwm tshiab ntawm Tsoom Fwv kev pab nyiaj rau kev tsheb ciav hlau me thauj neeg thiab Madison tau txheeb xyuas qhov kev sib txaus tseem ceeb nthuav dav cov hauv kev txog kev tsheb ciav hlau me thauj neeg nyob hauv Wisconsin. Lub Nroog tus neeg ua hauj lwm muaj kev sib txuas lus tas lis nrog Amtrak, Teb Chaws Meskas Lub Tuam Tsev Hauj Lwm ntsig txog Kev Thauj Mus Los (U.S. Department of Transportation), Wisconsin Lub Tuam Tsev Hauj Lwm ntsig txog Kev Thauj Mus Los, cov tuam txhab ua kev tsheb ciav hlau me, thiab lwm cov nroog ntxim ua tshav tsheb rau qhov kev tshawb fawb.