Bikers on John Nolen for Ride the Drive.
City of Madison

Kev Pab Cuam Tshuam Rau Cov Neeg Siv Hauv Madison (MadCAP)

MadCAP - Madison Customer Assistance Program

MadCAP pab cov tsev neeg muaj nyiaj tau los uas tsim nyog los ntawm kev muab cov khes div (txo nqi) txog $30 txhua hli ntawm Daim Ntawv Pab Cuam Hauv Nroog.

Txhawm rau kom tau txais cov nyiaj txo no, koj yuav tsum sau ntawv thov (apply). Cov tsev neeg uas tsim nyog tsis raug sau npe cia li tau txais; koj yuav tsum sau ntawv thov.

Cov tsev neeg uas tsim nyog yuav tsum rov sau ntawv thov txhua xyoo.

  1. Kev Lees Paub Nyiaj Tau

    Sau thiab npaj koj daim ntawv pov thawj nyiaj tau los. Qhov no yuav yog ib qho ntawm cov nram no:

    • Koj daim ntawv se (tax return) tam sim no
    • Daim ntawv qhia nyiaj laus los sis nyiaj xiam oob qhab (Social Security)
    • Daim ntawv pov thawj tias koj tsim nyog tau nyiaj muas noj, kev pab them nqi tsev section 8, los sis tshev mis (FoodShare, Section 8 Voucher, or Women, Infants, and Children (WIC)

    Koj yuav tsum xa daim ntawv pov thawj no nrog rau koj daim ntawv thov.

  2. Sau Ntawv Thov

    Koj tuaj yeem sau ntawv thov os lais los sis luam daim ntawv thov PDF.

     Thov Hauv Os Lais 

    Luam daim ntawv PDF

    Yog koj xav siv daim ntawv thov ntawv (paper application), koj tuaj yeem luam tau cov no:

    Xa koj daim ntawv thov uas sau tiav lawm mus rau:

  3. Kev Paub Txog Qhov Kev Pom Zoo

    Tom qab peb tau txais koj daim ntawv thov lawm, peb yuav xa email lees paub hauv 7–14 hnub. Email ntawd yuav qhia tias koj daim ntawv thov puas tau pom zoo. Yog tias tau pom zoo, email yuav qhia seb koj yuav tau txais nyiaj txo npaum li cas (txog $30).

    Yog koj tsis tau muab email chaw nyob, peb yuav xa ntawv lees paub mus rau koj qhov chaw nyob uas peb muaj tseg.

Kev Tsim Nyog 

Koj tsim nyog yog tias daim Municipal Services bill nyob hauv koj lub npe, thiab koj tsev neeg cov nyiaj tau tag nrho txhua xyoo tsis tshaj cov nyiaj teev tseg hauv daim ntawv qhia nram qab no.

Nyiaj tau tag nrho (Gross income) yog tag nrho cov nyiaj uas txhua tus neeg hauv tsev neeg khwv tau ua ke ua ntej rho se thiab lwm yam kev rho tawm.  Kev tsim nyog yog raws li pes tsawg tus neeg nyob hauv tsev neeg.

Pes tsawg tus neeg hauv tsevNyiaj tau txhua xyoo
1$45,450
2$51,950
3$58,450
4$64,900
5$70,100
6$75,300
7$80,500
8 los sis ntau dua$85,700

Cov tsev neeg uas lawv cov nyiaj tau tag nrho tsis tshaj 50% ntawm Area Median Income (AMI) kuj tsim nyog. AMI yog xam raws li US Housing and Urban Development (HUD) tau teev tseg.

Yog koj tsim nyog tau nyiaj muas noj, kev pab them nqi tsev section 8, los sis tshev mis (FoodShare, Section 8, SNAP, los sis WIC [Women, Infants, and Children]), ces koj twb ua tau raws li MadCAP cov cai nyiaj tau lawm.

Hais Txog Txoj Haujlwm

Kev muaj peev xwm them taus tsev nyob yog ib qho teeb meem tseem ceeb hauv Madison. Them nqi tsev nyob kuj suav nrog kev them nqi dej, hluav taws xob, thiab lwm yam dej num hauv nroog.

MadCAP pab txo cov nqi hluav taws xob thiab dej (utilities) rau cov neeg tau nyiaj tsawg. Qhov no pab kom Madison pheej yig dua thiab pab txhawb cov tsev neeg tau nyiaj tsawg. Qhov kev pab zoo li no yog ib yam uas ntau lub tuam txhab hluav taws xob tau siv tau ntau xyoo lawm.

Nyiaj txo MadCAP raug faib siv rau ntau hom dej num hauv nroog. Nyiaj txo no yuav raug siv cia li txiav tawm hauv koj daim nqi txhua hli, thiab tsis tas yuav them rov qab.

Nplooj ntawv no puas pab tau koj? * yuav tsum tau sau

Payment Center