Bikers on John Nolen for Ride the Drive.
City of Madison

Tshaj Tawm Cov Xwm Txheej Ceev Vim Muaj Daus

Thaum muaj Kev Tshaj Tawm Xwm Txheej Ceev Vim Muaj Daus, txhua tus neeg yuav tsum ua raws li kev nres tsheb sib hloov. Qhov no suav nrog cov neeg uas nres tsheb hauv Cheeb Tsam Xwm Txheej Ceev Vim Muaj Daus.

Lub Nroog Madison yuav tshaj tawm qhov Xwm Txheej Ceev Vim Muaj Daus thaum peb yuav tsum tuaj tshem daus ntawm txhua txoj kev nyob. Feem ntau peb ua li no thaum muaj daus los ntau li peb nti los sis ntau dua ntawd.

Feem ntau Xwm Txheej Ceev Vim Muaj Daus yuav kav li ob hnub, tab sis peb yuav txuas sij hawm ntxiv yog tias xav tau. Peb ib txwm tshaj tawm txog Xwm Txheej Ceev Vim Muaj Daus ua ntej 9:00 teev tsaus ntuj hnub uas nws yuav pib.

Tau Txais Cov Tshiab

Soj raws peb daim ntawv teev npe tus email los sis cov tsab lus xa ua lus sau txhawm rau kom tau txais cov kev hloov pauv tshiab hais txog Kev Tshaj Tawm Cov Xwm Txheej Ceev Vim Muaj Daus. Txhua tsab ntawv yuav tau muab xa ua lus Askiv.

Would you like us to keep your phone number confidential?

Wisconsin Public Records Laws may require us to provide your phone number to third parties. If you choose "Yes", you are requesting that we treat your phone number as confidential, and we will not release it to public records requests.

Chaw Nres Tsheb Dawb Hmo Ntuj Nyob Hauv Lub Nroog Cov Tsev Nkas Las Nres Tsheb

Thaum Lub Nroog tshaj tawm hais tias muaj Kev Kub Ceev Vim Daus Los (Snow Emergency), koj muaj cai nres tsheb dawb hauv cov tsev nkas nres tsheb uas muaj rooj vag kaw txij 9 moo tsaus ntuj txog 7 moo sawv ntxov.

Yog koj nkag ua ntej 9 moo tsaus ntuj los sis tawm tom qab 7 moo sawv ntxov, ces koj yuav tsum them nqi nres tsheb rau lub sij hawm ntxiv ntawd.

  • Tsis txhob nres tsheb rau saum txheej sab saud (top level), vim cov neeg ua hauj lwm yuav tsum kaus daus thaj chaw ntawd.
  • Tsis txhob nres tsheb hauv tsev nkas las nres tsheb ntev tshaj 48 teev.
  • Yog koj nres tsheb rau hauv chaw uas muaj meter, koj yuav tsum them nqi nres tsheb. Kev tso cai nres dawb thaum muaj Kev Kub Ceev Vim Daus Los (Snow Emergency) tsis suav nrog cov chaw uas muaj meter. Cov meter hauv tsev nkas las nres tsheb raug xyuas 24 teev ib hnub, 7 hnub hauv ib lim tiam.

Koj kuj tseem tuaj yeem nres tsheb ntawm Brittingham Park Shelter, nyob ntawm 829 W Washington Ave.

Cheeb Tsam Xwm Txheej Ceev Vim Muaj Daus

Yog tias koj nres tsheb hauv Cheeb Tsam Xwm Txheej Ceev Vim Muaj Daus, koj tsuas yog yuav tsum ua raws li kev nres tsheb sib hloov thaum muaj Kev Tshaj Tawm Xwm Txheej Ceev Vim Muaj Daus xwb.

Cheeb Tsam Xwm Txheej Ceev Vim Muaj Daus nyob rau hauv cheeb tsam plawv nroog isthmus thiab suav nrog cov zej zog Regent, Dudgeon-Monroe, South Campus, Vilas, Greenbush, Bay Creek, Sherman Terrace, Tenney-Lapham, Marquette, Darbo-Worthington, thiab Atwood.

Cov chaw yuav suav nrog cheeb tsam Alder Districts 2, 4, 6, 8, and 13, tag nrho thiab ib feem ntawm Cheeb Tsam 5 sab qab teb ntawm Campus Drive thiab sab hnub tuaj ntawm Franklin Avenue. Cheeb tsam uas hais los ntawv tau tshab txhais tseg nyob rau hauv kev cai hauv zos MGO 12.1335(2) (ua lus Askiv).

Cov Kev Cai Nres Tsheb Uas Tau Tshaj Tawm Qhia Tseg

Ua raws li txhua txoj cai nres tsheb uas tau tshaj tawm nyob rau lub sij hawm muaj Xwm Txheej Ceev Vim Muaj Daus.

Muaj ntau txoj kev hauv Cheeb Tsam Xwm Txheej Ceev Vim Muaj Daus uas tseem muaj cov cai Tu Txoj Kev Kom Huv/Kom Dej Huv (Clean Streets/Clean Lakes) (ua lus Askiv). Thaum muaj Kev Tshaj Tawm Xwm Txheej Ceev Vim Muaj Daus, yuav tsum ua raws li ob yam — kev Tu Txoj Kev Kom Huv/Kom Dej Huv thiab kev nres tsheb sib hloov.

Cov Lus Nug

Yog hais tias koj muaj lus nug txog cov kev cai nres tsheb thiab daim pib, thov tiv tauj rau Parking Enforcement (ua lus Askiv) ntawm:

Yog tias koj muaj lus nug txog kev tshem daus los sis txog Cheeb Tsam Xwm Txheej Ceev Vim Muaj Daus, thov hu rau Streets ntawm:

Nplooj ntawv no puas pab tau koj?

Caij Ntuj No