Kev Rov Tsim Kho Dua Txoj Phiaj Xwm Kev Hloov Pauv ntawm ADA hauv Madison

Cov Ntsiab Lus Xaus ntawm Txoj Phiaj Xwm Kev Hloov Pauv ntawm ADA Uas Tau Thov Tuaj, Lub Rau Hli Ntuj 2025

Tsab Cai Hais Txog Neeg Meskas Kev Xiam Oob Qhab (Americans with Disabilities Act, ADA) yog ib txoj cai lij choj hais txog pej xeem cov cai huab hwm. Nws tiv thaiv cov neeg xiam oob qhab cov cai huab hwm hauv pej xeem kev ua neej nyob. Tsim nyog yuav tau kom cov koom haum nce nrog tsoom fwv xws li Lub Nroog Madison los npaj muab cov kev pab cuam, cov koom haum kev pab thiab cov dej num uas tuaj yeem nkag cuag tau thiab siv tau rau cov neeg xiam oob qhab. Thaum muaj kev kos npe ADA ua txoj cai lij choj hauv xyoo 1990, cov koom haum nce nrog tsoom fwv yuav tsum tau saib xyuas tag nrho lawv cov kev koom haum kev pab, chaw muab kev pab, txoj cai hauv kev ntiav hauj lwm thiab pej xeem txoj cai huab hwm tag nrho txhawm rau los txheeb xyuas seb qhov kev cuam tshuam twg tsis pub nkag cuag tau. Lawv yuav tsum tau tsim kho Txoj Phiaj Xwm Hloov Pauv ntawm ADA txhawm rau kom lawv thiaj li paub npaj seb yuav rhuav tshem cov kev cuam tshuam rau kev nkag cuag li cas rau cov neeg xiam oob qhab nyob rau lub sij hawm yav tom ntej.

Madison tau tshaj tawm qhia txog Txoj Phiaj Xwm Hloov Pauv ntawm ADA hauv xyoo 1990 thiab tseem siv raws li ADA txuas ntxiv mus. Txawm li cas los xij, Lub Nroog Madison tau muaj loj hlob thiab hloov pauv txij li xyoo 1990 los lawm raws li cov cai tswj hwm uas yuav tsum tau muaj. Txawm hais tias tsis muaj txoj cai kom lub nroog yuav tsum tau rov tsim kho dua Txoj Phiaj Xwm Hloov Pauv ntawm ADA, Lub Nroog Madison kuj tau los cog lus yuav txhim kho kom muaj kev nkag cuag thiab kev suav sau cov neeg nyob hauv los ua ib pab ib pawg. Yog li ntawd, peb thiaj li tau txiav txim siab los hloov kho thiab rov tsim kho dua peb Txoj Phiaj Xwm Hloov Pauv ntawm ADA.

Txoj Phiaj Xwm Hloov Pauv ntawm ADA muaj xws li:

· Kev ntsuam xyuas tus kheej ntawm txhua cov koom haum kev pab, cov chaw muab kev pab cuam, pej xeem txoj cai huab hwm thiab txoj cai kev ntiav hauj lwm tag nrho ntawm Lub Nroog Madison

· Cov lus piav qhia txog cov kev cuam tshuam rau kev nkag cuag uas peb tau pom nyob rau hauv kev ntsuam xyuas tus kheej thiab peb txoj phiaj xwm hauv kev rhuav tshem cov kev cuam tshuam hauv kev nkag cuag thiab ua raws li ADA txoj cai tswj hwm

Kev txheeb xyuas cov kev cuam tshuam rau kev nkag cuag yog ib feem tseem ceeb ntawm kev tsim Txoj Phiaj Xwm Hloov Pauv ntawm ADA Tkom tau txais txiaj ntsig zoo. Txoj phiaj xwm no yuav npaj cov qauv hauj lwm rau Lub Nroog Madison los ua hauj lwm txhawm rau rhuav tshem ntawm cov kev cuam tshuam hauv kev nkag cuag nyob rau xyoo tom ntej txuas mus ntxiv.

Peb lees paub tias kev koom tes nrog cov neeg muaj kev xiam oob qhab yog ib feem tseem ceeb ntawm kev txhim kho Txoj Phiaj Xwm Hloov Pauv ntawm ADA kom tau txais txiaj ntsig zoo. Peb tau ua hauj lwm nrog Access to Independence, uas yog ib lub koom haum saib xyuas kev xiam oob qhab hauv zos, tam li yog tus kws pab tswv yim los pab peb hauv cov txheej txheem ua kev

ntsuam xyuas thiab hloov kho cov pej xeem txoj cai huab hwm ntawm Txoj Phiaj Xwm Hloov Pauv ntawm ADA. Peb zoo siab txais tos thiab txhawb cov lus xam pom thiab cov lus pom zoo, tshwj xeeb tshaj yog los ntawm cov neeg xiam oob qhab nyob hauv Madison/cov neeg uas muaj kev xiam oob qhab thiab cov koom haum tswj kev xiam oob qhab.

Xa cov lus nug thiab cov lus xam pom mus rau ADA Tus Neeg Lis Hauj Lwm Cev Ncauj Lus uas tau leg txoj hauj lwm rau Lub Nroog Madison:

Rebecca Hoyt

Tus Kws Tshaj Lij Txog Cov Kev Pab Cuam thiab Neeg Xiam Oob Qhab Cov Cai Huab Hwm RHoyt@cityofmadison.com

608-266-6511 Nyeem kom tag nrho Txoj Phiaj Xwm Hloov Pauv ntawm ADA hauv Madison

Thov ua lwm hom ntawv, kev pab los sis kev txhais lus los ntawm kev tiv tauj mus rau: RHoyt@cityofmadison.com los sis LAP@cityofmadison.com

Cov Koom Haum Kev Pab, Cov Kev Pab Cuam thiab Cov Dej Num

Txhua lub koom haum sawv cev hauv Lub Nroog Madison tau ua tiav qhov kev ntsuam xyuas tus kheej ntawm nws txoj kev ua raws li ADA cov cai yuav tsum tau ua. Qhov kev ntsuam xyuas suav nrog kev nkag cuag tau rau lub koom haum kev pab, kev sib txuas lus muaj txiaj ntsig zoo, tsis muaj kev ntxub ntxaug hauv cov ntawv cog lus thiab cov ntawv tso cai thiab kev muag pib. Peb kuj tseem tau tshab xyuas cov cai thiab cov txheej txheem rau peb Qhov Koom Haum Kev Pab Txog Kev Nkag Cuag Lus thiab lwm yam kev pab cuam ua ib pab ib pawg. Los ntawm cov txheej txheem kev ntsuam xyuas tus kheej peb pom tias Lub Nroog tau ua raws li tag nrho cov kev cog lus thiab cov ntawv tso cai thiab kev muag pib. Cov koom haum sawv cev txhua lub tau ua raws li nyob rau hauv ntau qhov chaw. Txawm li cas los xij, peb tau txheeb qhia pom txog cov teeb meem hauv kev nkag cuag tau rau qhov koom haum kev pab thiab kev sib txuas lus sib tau taub zoo.

Yog xav paub ntau ntxiv, saib Daim Ntawv Rhais Nrog IV - Cov Ntsiab Lus Xaus Txog Kev Tshaj Tawm Qhia Txog Kev Ntsuam Xyuas Tus Kheej: Cov Koom Haum Kev Pab, Cov Kev Pab Cuam thiab Cov Dej Num ntawm Txoj Phiaj Xwm Hloov Pauv ntawm ADA hauv Madison

Rhuav Tshem Cov Kev Cuam Tshuam Rau Kev Nkag Cuag

Peb yuav ua cov hauj lwm raws li hauv qab no txhawm rau rhuav tshem cov kev cuam tshuam rau kev nkag cuag hauv Lub Nroog Madison cov koom haum kev pab, cov kev pab cuam thiab cov dej num tsis pub dhau Lub Kaum Ob Hlis Ntuj Tim 31, 2025:

1. Kev Cob Qhia:

• Cov Tsiaj Muab Kev Pab Cuam thiab Txhawb Nqa Nyob Rau Hauv Pej Xeem Cov Chaw So Ua Si
• ADA thiab Kev Sib Txuas Lus Sib Tau Taub Zoo
• Cov Kev Pab Txhais Lus LanguageLine Raws Li Xav Tau

2. Txoj Cai thiab Cov Lus Qhia:

• Kev hloov kho thiab qhov chaw nyob uas tsim nyog
• Daim ntawv ceeb toom qhia txog txoj cai yuav tsum tau ua hais txog kev npaj txhij los muab kev pab cuam thiab yuav thov chaw nyob li cas thiab cov kev pab cuam nkag cuag tau rau hom lus

3. Cuab yeej siv:

• Cov koom haum kev pab yuav xyuas kom paub tseeb tias txhua tus neeg ua hauj lwm uas tiv tauj nrog pej xeem tuaj yeem nkag cuag tau rau Cov Kev Pab Txhais Lus LanguageLine Raws Li Xav Tau hauv xov tooj tau. Qhov no txhais tau hais tias lawv tuaj yeem sib txuas lus nrog cov neeg uas hais tsis tau lus Askiv tau.
• Cov koom haum kev pab yuav xyuas kom paub tseeb tias cov neeg ua hauj lwm uas tiv tauj nrog cov pej xeem muaj kev nkag cuag tau mus rau lub cuab yeej siv pab rau Cov Kev Pab Txhais Lus LanguageLine Yeeb Yaj Kiab Raws Li Xav Tau. Qhov no txhais tau hais tias lawv tuaj yeem sib txuas lus nrog cov neeg siv Kev Txhais Lus Piav Tes (American Sign) thiab lwm yam lus piav tes.

Cov Lus Qhia Ntxiv

Cov neeg nyob hauv kuj tau muab cov lus pom zoo raws li hauv qab no ntawm lub koom txoos Disability Summit hauv xyoo 2023 txhawm rau los txhawb nqa lub nroog kom siv zog txuas ntxiv nthuav dav kev nkag cuag tau rau koom haum kev pab kom dhau ntawm ADA cov cai tswj hwm: 

1. Koom nrog kev tawm qauv thoob ntiaj teb hauv kev sib txuas lus thiab kev faib qhia txog cov ntaub ntawv.

2. Cov ntaub ntawv hais txog Lub Nroog cov koom haum kev pab thiab cov kev pab cuam yuav tsum nrhiav tau yooj yim thiab siv tau yooj yim. Piv txwv li: lus nkag siab yooj yim, lwm hom ntawv thiab lwm yam lus uas tsis yog lus Askiv.

3. Ua hauj lwm txhawm rau txhim kho cov txheej txheem kev thov thiab kev ntsib nrog ntawm cov neeg siv cov kev pab cuam hauv Lub Nroog.

4. Tsim kho ntau txoj hauv kev los koom tes nrog zej zog. Piv txwv li: xov xwm xaus saus mis dias, cov lus qhia txog cov ntaub ntawv uas muaj txhij txhua, qhov chaw khaws cov ntaub ntawv cia ua ke thiab los ntawm cov koom tes hauv zej zog.

5. Muaj ntau cov koom haum kev pab uas txhawb nqa Cov Neeg Xiam Oob Qhab hauv txhua ncua hnub nyoog thiab los ntawm ntau haiv neeg keeb kwm thiab kev ua neej nyob uas muaj ntau qhov sib txawv.

Yog tias koj muaj kev txhawj xeeb txog kev nkag cuag tau rau Lub Nroog Madison lub koom haum kev pab, ces tiv tauj rau Rebecca Hoyt, Tus Kws Tshaj Lij Fab Kev Pab Cuam Thiab Neeg Xiam Oob Qhab Cov Cai Huab Hwm (Tus Cev Ncauj Lus ntawm ADA) ntawm RHoyt@cityofmadison.com los sis 608-266-6511. 

Yog xav paub ntau ntxiv, ces saib Phab I ntawm Txoj Phiaj Xwm Hloov Pauv ntawm ADA hauv Madison.

Lub Vev Xaib thiab Cov Ntaub Ntawv Hauv Es Les Thos Niv thiab Thev Naus Laus Zis

Lub Tuam Tsev Hauj Lwm Saib Xyuas Kev Ncaj Ncees tau tshaj tawm cov kev hloov kho tshiab rau cov ntsiab lus hauv lub vev xaib thiab cov app hauv xov tooj nyob rau hauv Lub Plaub Hlis Ntuj 2024. Yuav tsum tau siv Cov Lus Qhia Txog Kev Nkag Siv Tau Cov Ntsiab Lus Hauv Lub Vev Xaib (Web Content Accessibility Guidelines, WCAG) qib 2.1 AA tsis pub dhau Lub Plaub Hlis Ntuj Tim 26, 2026. Qhov no txhais tau hais tias tsoom fwv cov qauv cai nyob rau niaj hnub tam sim no yuav suav nrog cov kev xav tau hauv kev nkag cuag tau ntawm cov neeg xiam oob qhab uas muaj dav zuj zus tuaj. Piv txwv li: cov neeg dig muag thiab tsis pom kev deb, cov neeg lag ntseg los sis tsis hnov lus zoo, tsis muaj zog txav mus los tau, hais tsis tau lus zoo, tsis pom kev zoo thiab kawm paub nkag siab qeeb thiab muaj teeb meem rau lub paj hlwb. Cov qauv cai tshiab tseem xav txog txoj hauv kev seb yuav ua li cas cov neeg xiam oob qhab thiaj li yuav tuaj yeem nkag caug tau rau cov ntaub ntawv xws li cov khoos phis tawj txawb, khoos phis tawj, xov tooj loj thiab cov xov tooj ntawm tes.

Cov txheej txheem txog kev ntsuam xyuas tus kheej tau txheeb qhia tias cov lus piav qhia nws yuav tsim nws av tas naus mav los uas npaj txhij siv hauj lwm tau nyob rau hauv txhua lub rooj sib tham saum huab cua uas qhib los ntawm Lub Nroog Madison thiab muaj cov kev pab cuam CART yog tias thov. Peb cov rooj sib tham qhib koob pom thiab cov lus kaw cia tsis muaj cov lus piav qhia uas nws tsim nws av tas naus mav los thiab tsim nyog yuav tsum ua rau kom muaj kev yooj yim tuaj yeem nkag cuag tau rau cov lus kaw cia rau cov neeg uas xav tau. Peb kuj tseem paub tias ntau cov ntaub ntawv thiab cov yeeb yaj kiab uas tsis tau muab kaw cia mus ib txhis tshwj xeeb tshaj yog cov ntaub ntawv uas tsis ua tau raws li WCAG 2.1 AA cov qauv cai. Peb cov vev xaib qub txheej thauv, uas yog cov vev xaib uas muaj kev ua hauj lwm qub heev, tab tom tos kev hloov kho kom haum raws li WCAG 2.1 AA cov qauv cai. Qee qhov ntawm peb cov software, cov app thiab cov ntsiab lus ntawm vev xaib uas cuam tshuam rau pej xeem yog muab los ntawm cov neeg muag khoom thib peb thiab tej zaum yuav tsis ua raws li WCAG 2.1 AA cov qauv cai. Tsis tas li ntawd, txhua lub tuam tsev hauj lwm tswj hwm nws cov ntsiab lus hauv lub vev xaib. Qhov no txhais tau tias kev ua raws cai yam txhij txhua yuav tsum muaj ntau yam kev cob qhia, kev txhawb nqa thiab kev pab kom muaj kev yooj yim los ntawm Cov Ntaub Ntawv Thev Naus Laus Zis (Information Technology).

Rhuav Tshem Cov Kev Cuam Tshuam Rau Kev Nkag Cuag

Zuag qhia tag nrho, Lub Nroog Madison tseem ua raws li cov qauv cai WCAG tam sim no thiab nyob rau txoj kev uas yuav ua tau raws li WCGA 2.1 AA cov qauv cai tsis pub dhau Lub Plaub Hlis Ntuj Tim 26, 2026. Raws li ib feem ntawm peb txoj kev tawm phiaj xwm hloov pauv ntawm ADA, peb cia siab tias yuav muaj cov ntsiab lus hauv dis cis tauj thiab software ua raws li WCAG 2.1 AA tsis pub dhau Lub Kaum Ob Hlis Ntuj Tim 31, 2026 thiab Tshooj 508 cov qauv cai tsis pub dhau Lub Kaum Ob Hlis Ntuj Tim 31, 2031.

Txhawm rau tshaj tawm qhia txog cov teeb meem kev nkag cuag tau nrog Lub Nroog lub vev xaib los sis lub app, ces mus saib hauv nplooj vev xaib txog txoj cai los sis hu rau 608-266-4506.

Yog xav paub ntau ntxiv, ces mus saib hauv Lub Vev Xaib thiab Cov Ntaub Ntawv Es Les Thos Niv thiab Thev Naus Laus Zis hauv Txoj Phiaj Xwm Hloov Pauv ntawm ADA hauv Madison

Cov Chaw Pab Cuam Pej Xeem

ADA xav kom cov chaw pab cuam uas qhib rau pej xeem siv tau thiab cov neeg xiam oob qhab los kuj tuaj yeem siv tau ib yam nkaus thiab. Teb Chaws Meskas Pawg Thawj Coj Saib Xyuas Kev Nkag Cuag (United States Access Board) tau tsim cov qauv cai rau cov chaw pab cuam uas yuav tau los saib txog lub sij hawm tsim los sis hloov kho. Cov chaw pab cuam uas qhib rau pej xeem suav nrog cov tsev thiab cov chaw hauj lwm xws li ib feem ntawm cov chaw hauv Nroog Madison Cov Tsev thiab Cov Tsev Hauv Cheeb Tsam Nroog, Lub Chaw Tswj Metro, Madison Lub Chaw Hauj Lwm Saib Xyuas Cov Neeg Laus, Cov Tsev Qiv Ntawv, Chaw Hauj Lwm Tub Ceev Xwm thiab Cov Chaw Hauj Lwm Saib Xyuas Pej Xeem Kev Noj Qab Haus Huv. Lwm hom chaw muab kev pab cuam uas tau txais kev ntsuam xyuas suav nrog lub chaw nres tsheb hauv chaw so ua si, chaw nres tsheb 269 qhov chaw ntawm tag nrho 282 qhov chaw thiab cov chaw ua si uas qhib rau cov neeg ntoj ncig tau mus ncig saib.

Cov Tsev thiab Chaw Hauj Lwm

Peb pom tau tias feem ntau lawm cov chaw hauj lwm thiab cov tsev muaj qee yam teeb meem uas tsis ua raws li txoj cai tswj hwm. Cov teeb meem uas nquag pom yog kev tshawb nrhiav txoj kev thiab lwm cov paib qhia kev, qhov rooj hnyav dhau thiab kaw nrawm dhau lawm thiab cov khoom uas tawm los tshaj rau tom txoj kev tsheb loj. Qee qhov kev ntsuam xyuas tau qhia txog kev txhawj xeeb uas muaj ntau tshaj. Piv txwv li, tsis muaj qhov chaw nres tsheb los sis cov chav dej rau cov neeg xiam oob qhab uas tsis ua raws li txoj cai. Cov kev cuam tshuam tseem ceeb rau kev nkag cuag tau raug txwv thaum txiav txim siab txog ntau cov chaw ua hauj lwm thiab cov tsev hauv lub nroog uas tau raug ntsuam xyuas ntau qhov.

Cov Chaw Muab Kev Pab Cuam Rau Feem Hauj Lwm Saib Xyuas Chaw Ncig Ua Si

Muaj ntau qhov teeb meem uas tau txheeb qhia yog cov teeb meem xws li kev pua yas txoj kev, kev txiav ntug kev los sis txoj kev taug tsis du. Feem Hauj Lwm Saib Xyuas Chaw Ncig Ua Si muaj ntau lub koom haum kev pab txog chaw nres tsheb uas twb muaj nyob rau hauv Txoj Phiaj Xwm Kev Txhim Kho Pob Peev (Capital Improvement Plan, CIP) 5-xyoos lawm. Cov kev cuam tshuam rau kev nkag cuag tau rau cov chaw ncig ua si thiab cov chaw so ua si tuaj yeem raug muab rho tawm ntawm Txoj Phiaj Xwm Kev Txhim Kho Pob Peev 5-xyoos raws li lub sij hawm tau teem tseg. Cov chaw me nyuam yaus ua si uas ua tom qab xyoo 2013 yuav tsum ua tau raws li ADA cov qauv cai kev tawm qauv hauv xyoo 2010 ua ntej yuav qhib siv tau. Feem Hauj Lwm Saib Xyuas Chaw Ncig Ua Si muaj phiaj xwm txhim kho Txoj Phiaj Xwm Kev Txhim Kho Pob Peev hauv txhua xyoo uas faib nyiaj mus kho cov chaw me nyuam yaus ua si li 5-10 qhov chaw uas yuav tsum tau hloov kho dua tshiab hauv txhua xyoo, txhawm rau kom muaj kev hloov pauv lab npauv tag nrho hauv ncua 20-xyoo. Dhau ntawv lawm Lub Nroog kuj tau los koom tes nrog Madison Parks Koom Haum Kev Pab Nyiaj txhawm rau los tsim plaub qhov chaw me nyuam yaus ua si hauv chaw ncig ua si uas muaj koob nrov npe: Elver Park, Brittingham Park, Rennebohm Park, thiab Warner Park nrog rau kev npaj tsim qhov chaw ncig ua si thib tsib Reindahl Park.

Cov Kab Nres Tsheb thiab Chaw Nres Tsheb

Raws li kev ntsuam xyuas tus kheej, Blair Lot kuj tau ua raws li txoj cai tswj hwm tag nrho. Lwm qhov chaw nres tsheb, suav nrog Buckeye Lot, Evergreen Lot, South Livingston Street Garage thiab State Street Capital Garage, muaj qee qhov teeb meem me ntsis hais txog kev ua raws cai xws li

paib qhia kev tsis raug los sis qhov siab ntawm daim paib, qhov rooj hnyav dhau thiab kaw nrawm dhau heev lawm los sis yuav tsum muaj cov chaw nres tsheb ntxiv rau cov neeg xiam oob qhab txhawm rau kom ua tau raws li cov qauv cai uas teev tseg. Ntsib cov teeb meem ua raws li txoj cai tswj hwm uas siv cov peev txheej ntau ntxiv ntawm Wingra Lot, tsim nyog yuav tsum tau rov ua dua tshiab. Qhov hnyav thiab kev kaw qhov rooj nrawm ntawm Wilson Street Garage kuj xam tias yog ib txoj hauj lwm loj. Qee qhov chaw nres tsheb xws li Capitol Square North Garage, Overture Center Garage thiab State Street Campus (Fabkis) Garage predate ntawd muaj los ua ntej ADA cov qauv cai kev tawm qauv. Rau cov chaw no, lub koom haum sawv cev yuav rhuav tshem cov kev cuam tshuam uas nyiam tshwm sim rau kev nkag cuag.

Cov Chaw Muab Kev Pab Cuam Ntoj Ncig Xyuas

Madison Lub Tuam Tsev Hauj Lwm Tua Hluav Taws Kub Hnyiab (Madison Fire Department) thiab Madison Lub Chaw Hauj Lwm Saib Xyuas Dej (Madison Water Utility) muab kev ncig xyuas cov chaw ua hauj lwm pab rau pej xeem. Cov chaw ncig ua si uas tsis qhib rau niam txiv pej xeem nkag siv tau tsis tas yuav ua kom tau raws li ADA Cov Qauv Cai Kev Tawm Qauv hauv Xyoo 2010. Txawm li cas los xij, kev ntoj ncig xyuas ib cheeb tsam tuaj yeem xam hais tias yog ib txoj dej num uas muab los ntawm cov koom haum sawv cev no. Lub Nroog yuav los nqis tes ua cov kauj ruam txhawm rau los xyuas kom paub meej tias muaj kev nkag cuag tau rau cov dej num no txawm tias tsis tuaj yeem nkag cuag tau rau txhua qhov chaw los xij. Lub Tuam Tsev Hauj Lwm Saib Xyuas Hluav Taws Kub Hnyiab muab kev saib siab txog txoj kev ncig xyuas ntawm Chaw Tua Hluav Taws Kub hnyiab 1, 7, 11 - 14 kom ua tau raws li cov qauv cai tsim nyog. Koom Haum Dej (Water Utility) yuav muab kev saib siab tseem ceeb tshaj plaws kom ua tiav kev ua raws li cov kev ncig xyuas ntawm Unit Well 7 thiab Unit Well 31 thiab ua hauj lwm txhawm rau txheeb xyuas cov chaw ntxiv hauv peb xyoos tom ntej.

Rhuav Tshem Cov Kev Cuam Tshuam Rau Kev Nkag Cuag

Cov lus piav qhia tag nrho ntawm cov teeb meem cuam tshuam, nuj nqis, ncua sij hawm, tuam tsev hauj lwm, rau txhua qhov chaw uas muaj nyob hauv Daim Ntawv Rhais Nrog VI - Caij Nyoog, Nuj Nqis thiab Qhov Tseem Ceeb Hauv Kev Rhuav Tshem Cov Kev Cuam Tshuam Rau Kev Nkag Cuag Tau Rau hauv Cov Chaw Pab Cuam Pej Xeem ntawm Txoj Phiaj Xwm Hloov Pauv ntawm ADA hauv Madison. Cov teeb meem cuam tshuam tau saib raws qhov tseem ceeb li hauv qab no:

1. Txoj Hauv Kev thiab Kev Nkag Tau: cov chaw tseem ceeb uas yuav ua tau rau tuaj yeem nkag mus tau rau hauv lub tsev xws li chaw nres tsheb, txoj kev nkag mus tau, txoj kev tuaj yeem thawb laub tau, kev thawb laub nce nqis tau, kev nkag, lub tshuab nqa neeg nce nqis ntawm ib tshooj tsev mus rau ib tshooj tsev (elevators) thiab lwm yam.

2. Kev Nkag Cuag Tau rau Cov Khoom Siv thiab Cov Kev Pab Cuam: cov uas xav tau los nkag cuag tau rau cov cheeb tsam ntawm lub tsev xws li qhov chaw zaum ua si, chav thiab chaw, cov paib nrhiav kev, cov chaw pab cuam (counters), lub tshuab nqa neeg nce nqis ntawm ib tshooj tsev mus rau ib tshooj tsev (elevators) thiab lwm yam.

3. Chav Dej: chav dej rau sawv daws siv tau ua tau raws li tag nrho ntawm ADA txoj cai tswj hwm.

4. Cov Kev Pab Cuam Ntxiv: lwm yam ntxiv xws li cov dej ntws, xov tooj rau sawv daws siv, xam yas ceeb toom qhia txog hluav taws kub hnyiab ua suab thiab ua duab thiab lwm yam.

Lub Nroog Madison yuav ua txhua txoj hauv kev los ruav tshem cov kev cuam tshuam rau kev nkag cuag cov chaw pab cuam pej xeem raws li qhov tuaj yeem ua tau tsis pub dhau Lub Kaum Ob Hlis Ntuj Tim 31, 2040. Tsim nyog yuav tsum tau muaj kev tshawb xyuas txog cov kev cuam tshuam rau kev nkag cuag qee yam ntxiv txhawm rau kom pom tau tias seb puas tuaj yeem rhuav tshem tau cov kev cuam tshuam tawm thiab txhawm rau kawm paub ntau ntxiv txog cov dej num yuav ua thiab cov peev ntawm txoj hauj lwm. Cov no yuav tau raug muab ntsuam xyuas ntxiv thiab suav nrog hauv Txoj Phiaj Xwm Kev Npaj Ntxiv tsis pub dhau Lub Kaum Ob Hlis Ntuj Tim 31, 2030. Cov chaw ncig ua si thiab cov chaw so ua si yuav raug tswj hwm los ntawm Txoj Phiaj Xwm Kev Txhim Kho Pob Peev cov hauj lwm, kev hloov kho lab npauv thiab cov hauj lwm ywj pheej kom cov chaw ncig ua si thiab cov chaw so ua si tuaj yeem ua tau raws li txoj cai tswj hwm tsis pub dhau Lub Kaum Ob Hlis Ntuj Tim 31, 2055.

Tsis tas li ntawd, peb yuav nqis tes ua cov hauj lwm hauv qab no tsis pub dhau thaum xaus ntawm xyoo 2025:

1. Kev cob qhia rau Cov Neeg Tawm Qauv Es Cis Nias (Engineering) thiab lwm tus neeg ua hauj lwm ntawm ADA Cov Qauv Cai Kev Tawm Qauv.

2. Txhua qhov chaw tshiab yuav raug ntsuam xyuas kom ua tau raws li ADA txoj cai tswj hwm. Txoj phiaj xwm rau kev rhuav tshem cov kev cuam tshuam txog kev nkag cuag yuav raug tsim kho thiab xa mus rau Lub Koom Haum Kev Pab Fab Kev Pab Cuam thiab Neeg Xiam Oob Qhab Cov Cai Huab Hwm (Disability Rights and Services Program). Kev maj mam ua ib qib zuj zus ntawm kev rhuav tshem cov kev cuam tshuam txog kev nkag cuag yuav raug taug qab xyuas raws li ib feem ntawm Txoj Phiaj Xwm Hloov Pauv ntawm ADA.

3. Lub Nroog mob siab cog lus yuav los hloov pauv qhov chaw xauj tsuas yog qhov chaw uas ua raws li ADA Cov Qauv Cai Kev Tawm Qauv Hauv Xyoo 2010 los sis muaj peev xwm hloov kho txhawm rau los daws cov teeb meem tsis ua raws txoj cai tswj hwm yam tsis tau them nqi los sis siv zog dab tsi ntau.

4. Lub Koom Haum Kev Pab Fab Kev Pab Cuam thiab Neeg Xiam Oob Qhab Cov Cai Huab Hwm thiab Kev Tawm Qauv Es Cis Nias yuav tsim cov kev taw qhia hauv thoob plaws lub nroog kom tuaj yeem tshawb nrhiav tau txoj kev nkag mus tau thiab paib qhia kev.

Cov Lus Qhia Ntxiv

Cov neeg nyob hauv kuj tau muab cov lus pom zoo raws li hauv qab no ntawm lub koom txoos Disability Summit hauv xyoo 2023 txhawm rau los txhim kho kev nkag cuag kom yooj yim thiab siv tau ntawm Lub Nroog cov chaw kom dhau ntawm ADA cov cai tswj hwm:

1. Tsim lub hwv tsam hais txog kev kawm paub rau cov neeg tawm qauv Lub Nroog thiab cov neeg tawm qauv es cis nias txog kev tsim thoob ntiaj teb thiab cov qauv kev tsim thoob ntiaj teb coj mus siv rau hauv kev tsim kho tshiab thiab kev rov kho dua tshiab yog tias ua tau.

2. Tshawb nrhiav cov hwv tsam sib chab sib chaws nrog cov kev paub dhau los thiab kev tshaj lij ntawm cov kws pab tswv yim fab Kev Xiam Oob Qhab, cov neeg pej xeem nyob hauv thiab/los sis Pawg Thawj Saib Xyuas Neeg Xiam Oob Qhab Cov Cai Huab Hwm nrog kev txhawb nqa los ntawm Tus Kws Tshaj Lij Fab Kev Pab Cuam thiab Neeg Xiam Oob Qhab Cov Cai Huab Hwm hauv kev txhim kho cov tswv yim kev tawm phiaj xwm uas sib sau los ua ib pawg nyob rau hauv cov chaw muab kev pab pej xeem.

Yog tias koj muaj kev txhawj xeeb txog kev nkag cuag tau rau Lub Nroog Madison lub chaw muaj kev pab cuam, ces tiv tauj rau Rebecca Hoyt, Tus Kws Tshaj Lij Fab Kev Pab Cuam thiab Neeg Xiam Oob Qhab Cov Cai Huab Hwm (Tus Cev Ncauj Lus ntawm ADA) ntawm RHoyt@cityofmadison.com los sis 608-266-6511.

Txhawm rau tshaj tawm qhia txog cov kev cuam tshuam rau kev nkag cuag rau cov chaw ncig ua si thiab chaw so ua si, ces tiv tauj rau 408-266-4711 los sis parks@cityofmadison.com. Yog xav paub ntau ntxiv, ces saib Phab II ntawm Txoj Phiaj Xwm Hloov Pauv ntawm ADA hauv Madison

Pej Xeem Txoj Cai Kev Siv Txoj Kev Cov Lus Qhia Txog Kev Nkag Cuag Tau Rau Cov Kev Taug Taw (Pedestrian Right-Of-Way Accessibility Guidelines PROWAG) hauv Xyoo 2024, tau txais kev pom zoo los ntawm Teb Chaws Meskas Lub Tuam Tsev Hauj Lwm Ntsig Txog Kev Thauj Mus Los (US Department of Transportation) thaum Lub Kaum Ob Hlis Ntuj 2024. PROWAG yog cov lus qhia uas tsim los xyuas kom paub meej tias cov neeg taug kev tuaj yeem nkag siv tau, suav nrog kev hla kev, cov kev thawb laub, cov rooj tog ua raws tej kev, cov teeb liab teeb ntsuab qhia rau cov neeg taug kev, chaw nres tsheb thiab lwm yam hauv cov chaw pej xeem siv tau. Tsim nyog yuav tsum tau muaj nyob rau txhua qhov kev tsim kho tshiab thiab kev hloov pauv pib txij thaum Lub Ib Hlis Ntuj Tim 17, 2025.

Lub Nroog Madison Txoj Phiaj Xwm Hloov Pauv ntawm ADA hais txog kev nkag cuag tau rau cov kev pej xeem siv. Txoj kev pej xeem yog txoj kev taug taw uas pej xeem siv. Ib feem ntawm Txoj Phiaj Xwm no tau tsim los ntawm kev koom tes nrog Kev Nkag Cuag Tau Yam Muaj Kev Ywj Pheej (Access to Independence), uas yog lub koom haum saib xyuas kev xiam oob qhab hauv zos.

Peb tau siv ntau txoj hauv kev los ntsuas cov chaw taug kev hauv pej xeem txoj cai ntawm txoj kev suav nrog:

· 1,121 mais kev ntawm txoj kev taug taw

· 149 mais kev ntawm txoj kev hla

· 51 mais kev ntawm txoj kev taug taw thiab txoj kev sib koom ua ke

· 2,558 daim paib ntawm cov paib neeg taug kev-caij tsheb kauj vab

· Cov Fais Qhia Txog Kev Hla Kev Plaub Fab Li 140 Lub (Rectangular Rapid Flash Beacons, RRFBs)

· Kev txiav ntug kev 23,785 zaug (ceev tseg: txiav lub kaum sab xis uas ua hauj lwm txoj kev hla ob qho chaw yog suav ob zaug)

· Pua ntig kev rau neeg taug 412 qhov chaw siv kom cov neeg taug kev mus los tau yooj yim

· 134 qhov chaw uas muaj ntaiv rau cov neeg taug kev taug

· Paib qhia kev 1,320 daim paib thiab lub chaw tsheb npav thauj neeg ceev (bus rapid transit, BRT) 44 lub chaw

Saib cov phiaj qhia chaw kom paub meej ntxiv: Cov Chaw Neeg Taug Kev (2023) Cov Paib Nres Tos Tsheb Npav Rau Cov Tsheb Ciav Hlau Qab Av (2024) Kev Nkag Cuag Tau Rau Txog Kev Taug Taw (Lub Kaum Hli Ntuj Tim 10, 2024) Lab Npauv Kev Taug Taw (Lub Cuaj Hlis Ntuj Tim 20, 2024)

Rhuav Tshem Cov Kev Cuam Tshuam Rau Kev Nkag Cuag

Lub Hom Phiaj qhia txog lub sij hawm thiab kev kwv yees qhov peev hauv kev rhuav tshem cov kev cuam tshuam rau kev nkag caug tau rau cov kev pej xeem muaj cai siv hauv txhua ncua sij hawm. Lub Nroog Madison yuav mob siab los daws teeb meem txog cov yam ntxwv uas tsis tuaj yeem nkag cuag tau tab sis ho tuaj yeem ua tau raws li cov peev xtheej uas muaj nyob rau niaj hnub tam sim no. Lwm yam kev siv zog xws li kev txhim kho cov kev taug taw ntxiv, kev txiav ntug kev thiab kev pau ntug kev, tsim nyog yuav tsum tau muaj kev npaj mus ncua sij hawm ntev thiab muaj cov peev txheej los pab ntxiv. Lub Nroog yuav txiav txim siab txog ntau yam thaum txhim kho Txoj Phiaj Xwm Txhim Kho Kev Thauj Mus Los hauv txhua xyoo suav nrog kev muaj vaj huam sib luag thiab kev nkag cuag tau nrog rau cov tswv yim txuas ntxiv los ntawm cov tswv cuab hauv zej zog uas muaj kev xiam oob qhab thiab lwm cov neeg muaj feem cuam tshuam. Yuav suav nrog cov hauv qab no cia hauv kev txiav txim siab txog qhov tseem ceeb ntawm kev muaj vaj huam sib luag:

1. Hais txog kev daws teeb meem ntawmcov chaw uas tsis tuaj yeem nkag cuag tau, suav nrog cov chaw uas muaj kev foob txog kev tsis txaus siab ntawm pej xeem

2. Hais txog cov chaw uas muaj cov yam ntxwv nkag cuag tau uas tseem tau txais kev foob txog kev tsis txaus siab ntawm pej xeem

3. Kev tsom kwm ntsoov mus rau kev rov kho dua thiab kho ua ntu zus yam tsis tu ncua txhawm rau los ua kom cov chaw tuaj yeem nkag cuag tau raws li:

a. Cov Teeb Liab Teeb Ntsuab thiab Kev Txhim Kho Kev Nyab Xeeb Raws Txoj Kev Tsheb

b. Lub Koom Haum Kev Pab Txog Txoj Kev Taug Taw thiab Txoj Kev Rau Cov Laub Thawb, suav nrog kev tsim kho ntiag tug

4. Muab kev saib siab rau cov chaw uas muaj neeg siv ntau dua cov chaw uas muaj neeg siv tsawg thiab sib txuas rau cov kev thauj pej xeem mus los

Cov kev cuam tshuam rau kev nkag cuag hauv qab no yuav tau txais kev daws kho kom ua tau raws li PROWAG txoj cai tswj hwm thiab lwm yam qauv cai tsim nyog theem qis.

1. Nruab kev txhim kho kev nkag cuag tau ntawm 10 cov paib nres tsheb tos tsheb npav hauv nroog Madison txoj cai-ntawm-txoj kev tsis pub dhau Lub Kaum Ib Hlis Ntuj Tim 30, 2025.

2. Cov neeg tawm qauv es cis nias yuav txheeb xyuas cov teeb meem caum tshuam rau kev nkag cuag uas cuam tshuam nrog kev txiav ntug kev ntawm pej xeem-txoj cai-ntawm toj kev tsis pub dhau Lub Kaum Ob Hlis Ntuj Tim 31, 2027.

3. Cov Koom Haum Kev Pab Rov Kho Dua Txoj Kev Taug Taw thiab Txoj Kev Rau Laub Thawb yuav ua kom tiav tag nrho cov kev ntaus nqi xyuas hais txog kev tsim kho txoj kev tshiab tsis pub dhau xyoo 2044. Tsim nyog yuav tsum tau nruab cov kev rau laub txhawb uas ua raws li txoj cai tswj hwm txog li 206 qhov chaw. Qhov kev ntaus nqis xyuas ntawd yuav raug muab khaws cia ntxiv rau hauv Txoj Phiaj Xwm.

4. Cov Teeb Liab Teeb Ntsuab thiab Kev Txhim Kho Kev Nyab Xeeb Raws Txoj Kev Tsheb Txuas Mus Ntxiv.

5. Lub Koom Haum Kev Pab Txog Txoj Kev Taug Taw thiab Txoj Kev Rau Cov Laub Thawb tab tom ua.

Cov Lus Qhia Ntxiv

Lub Nroog Madison lees paub txog qhov kev nkag cuag tau rau txoj kev taug taw thiab siv hauj lwm tau yuav tsum muaj ntau tshaj tej huab cua ib puag ncig. Cov kev cuam tshuam txog kev tsim kho thiab kev tshem daus tuaj yeem muaj kev cuam tshuam rau zej zog kev ua lub neej thiab kev nkag cuag tau rau cov kev pab cuam tseem ceeb thiab cov chaw uas xav mus kom txog. Lub Nroog Madison yuav txuas ntxiv ua hauj lwm nrog cov neeg muaj feem cuam tshuam txhawm rau los txhim kho cov neeg taug kev kom nkag cuag tau rau hauv pej xeem txoj cai-ntawm-txoj kev rau cov neeg xiam oob qhab:

1. Lub Nroog yuav tshab xyuas thiab hloov kho cov cai tswj hwm txhawm rau los txhim kho kev ua raws li cov cai uas twb muaj lawm thaum lub sij hawm tsim txoj hauj lwm tsim kho ib ntus uas cuam tshuam rau pej xeem txoj cai-ntawm-txoj kev.

2. Ntxiv kev nkag cuag tau kom yooj yim thiab kev muaj peev xwm hauv kev kho pej xeem txoj cai-ntawm-txoj kev raws li kev tshem tawm daus. Lub Nroog yuav tshem cov daus thiab tej dej khov tawm ntawm cov chaw nres tos tsheb npav, cov kev taug taw hauv lub nroog, tsev kawm ntawv thiab txoj kev rau hla kev tom qab muaj huab cua phem tshwm sim. Madison Tsab Cai Siv Feem Dav 10.28 yuav tsum muaj cov kev taug kev ntiag tug, txoj kev taug qau txhawb laub mus rau txoj kev hla kev thiab txoj kev tsav tsheb nkag hauv tsev yuav tsum tau tshem kom tag thaum tav su tom qab cov tshem daus tawm tag. Cov neeg laus thiab cov neeg xiam oob qhab yog tsim nyog rau kev txuas thiab kev pab tshem daus.

Tshaj Tawm Qhia Txog Kev Txhawj Xeeb los sis Kev Thov thiab Kev Txhim Kho Tshaj tawm qhia txog cov chaw taug taw uas xav tau kev rov kho dua ntawm Sidewalk Concern (Kev Txhawj Xeeb Txog Txoj Kev Taug Taw) los sis tiv tauj rau Bill McGlynn, Tus Thawj Saib Xyuas Lub Koom Haum Saib Xyuas Txoj Kev Taug Taw ntawm 608-266-4537 los sis wmcglynn@cityofmadison.com ib.

Thov kev txhim kho kev nyab xeeb thiab qhia txog kev txhawj xeeb txog pej xeem txoj cai ntawm txoj kev ntawm Request a Safety Improvement (Thov Kev Txhim Kho Kev Nyab Xeeb) los sis tiv tauj rau Traffic Safety ntawm traffic@cityofmadison.com los sis 608-266-4761.

Muab kev tawm tswv yim txog kev nkag cuag tau rau cov paib caij tsheb npav txhawm rau kom Lub Nroog Madison Lub Tuam Tsev Hauj Lwm ntsig txog Kev Thauj Mus (Department and City of Madison Transportation) Los thiab Lub Nroog Madison Pawg Thawj Saib Xyuas Kev Thawj Mus Los ntawm 608-266-4466 los sis mymetrobus@cityofmadison.com Kev txhawj xeeb txog kev tshem daus tau tuaj yeem tshaj tawm qhia tau hauv oos lais.

Ntau yam kev txhawj xeeb txog kev nkag cuag tau rau pej xeem txoj cai-ntawm-txoj kev hauv nroog Madison tuaj yeem tshaj tawm qhia tau los ntawm lub vev xaib Report a Problem website (Tshaj Tawm Qhia Qhov Teeb Meem). Yog xav paub ntau ntxiv, ces saib Phab III ntawm Txoj Phiaj Xwm Hloov Pauv ntawm ADA hauv Madison

Kev Ntiav Hauj Lwm

Tshooj 504 ntawm Txoj Cai Rov Kho Dua Tshiab ntawm xyoo 1973 tau qhia kom cov npe uas tau txais nyiaj los ntawm tsoom fwv los hloov pauv cov cai thiab cov chaw uas xav tau los daws cov teeb meem ntawm kev ntxub ntxaug hauv peb Txoj Cai thiab saib xyuas tom qab ntawd. Lub Nroog

Madison tau cog lus rau kev ua thiab lub hom phiaj ntawm Meskas Txoj Cais Neeg Xiam Oob Qhab, Tshooj 504 ntawm Kev Rov Kho Txoj Cais Lij Choj Dua, Txoj Cais Hais Txog Kev Ntiav Hauj Lwm Uas Ncaj Ncees hauv Wisconsin thiab lwm cov cai lij choj uas txhawb cov cai ntawm cov neeg xiam oob qhab kom muaj vaj huam sib luag hauv cov neeg ua hauj lwm.

Lub Nroog Madison tau tshuaj xyuas cov cai thiab cov txheej txheem txhawm rau los xyuas kom meej tias cov hauj lwm uas cuam tshuam txog kev ntiav hauj lwm tsis muaj kev cuam tshuam los sis kev ntxub ntxaug rau cov neeg thov los sis cov neeg ua hauj lwm xiam oob qhab. Peb pom tias Lub Nroog Madison tau ua raws cov cai ntawm Meskas Txoj Cais Neeg Xiam Oob Qhab thiab Tshooj 504 ntawm Kev Rov Kho Txoj Cais Lij Choj Dua uas muaj kev cuam tshuam txog kev ntiav hauj lwm.

Tsis tas li ntawd, peb tau ntsuam xyuas cov neeg ua hauj lwm cov chaw nyob thiab yuav ua cov kauj ruam txhawm rau los ua kom cov chaw no siv tau thiab siv tau rau cov neeg ua hauj lwm tam sim no thiab yav tom ntej uas muaj kev ua mus tau thiab nyob rau hauv cov peev txheej uas muaj. Peb zoo siab txais tos thiab cia siab tias cov neeg uas muaj cai tsim nyog tau txais, muaj peev xwm thiab txawj ntse uas muaj kev xiam oob qhab yuav dhau los yuav los ua ib feem ntawm Madison cov neeg ua hauj lwm hauv txhua lub nroog. Peb cog lus tias yuav ua kom peb cov chaw siv tau rau qhov twg los tau. Thaum cov chaw muab kev pab cuam tsis tuaj yeem nkag cuag tau, peb yuav ua hauj lwm nrog cov neeg ua hauj lwm tam sim no thiab yav tom ntej los ntawm cov txheej txheem nrhiav chaw nyob tsim nyog.

Peb txuas ntxiv siv zog los ua ib tus qauv ntiav hauj lwm zoo rau cov neeg muaj kev xiam oob qhab. Daim phiaj xwm tag nrho suav nrog cov lus pom zoo rau kev tswj hwm thiab ua raws li kev ua tau zoo tshaj. Yog xav paub ntau ntxiv, ces saib Phab IV ntawm Txoj Phiaj Xwm Hloov Pauv ntawm ADA hauv Madison.

Kev Tsis Zoo Siab thiab Kev Tsis Txaus Siab

Tiv tauj rau Lub Tuam Tsev Hauj Lwm Saib Xyuas Pej Xeem Cov Cau Hua Hwm txhawm rau los ua ntawv tsis zoo siab txog txoj kev npaj no los sis yog tias koj yog neeg nyob hauv Madison, ua ntawv tsis txaus siab txog kev ntxub ntxaug: · Oos Lais

· Tim Ntsej Tim Muag: Department of Civil Rights, 210 Martin Luther King Jr Blvd. Room 523, Madison, WI 53703- Hours: Hnub Monday - Friday, 8:00 teev sawv ntxov - 4:30 teev tsaus ntuj · Thov ib daim foos los sis lwm hom ntawv: 608-266-4910 los sis dcr@cityofmadison.com · Nrhiav Ib Tus Neeg Koom Tes Hauv Zej Zog Uas Muaj Ntawv Pov Thawj nyob ze koj los pab ua kom tiav daim ntawv tsis txaus siab. Yog xav paub ntau ntxiv txog Cov Txheej Txheem Tsis Txaus Siab, ces saib ntawm Txoj Phiaj Xwm Hloov Pauv ntawm ADA hauv Madison.