City skyline over Lake Monona, featuring the Wisconsin State Capitol and Monona Terrace. Several construction cranes are visible.
Kev Tshuaj Xyuas Tsev

Repairing Recent Hail and Storm Damage

The City has received reports of potential scammers. Some companies are trying to take advantage of recent storm damage. It's important to make sure repairs are done quickly and by reputable companies.

Learn more about repairing storm damage.

Daim Ntawv Tso Cai Tu Qaib

A group of chickens eating feed

Koj yuav tsum tau thov daim ntawv tso cai yug qaib tsis pub dhau 30 hnub tom qab tau txais qaib. Koj yuav tsum tau txuas sij hawm daim ntawv tso cai tshiab ua ntej lub Ib Hlis Ntuj Tim 1 hauv txhua xyoo. Xyoo daim ntawv tso cai pib yog thaum Lub Ib Hlis Ntuj Tim 1 thiab xaus rau thaum Lub Kaum Ob Hlis Ntuj Tim 31.

Txhawm rau kom tau txais daim ntawv tso cai yug qaib, ces ua kom tiav cov kauj ruam no:

  1. Ua kom tiav tag nrho cov ntawv ceeb toom uas xav tau

    Cov kev cai hauv kev ceeb toom yuav sib txawv nyob ntawm thaj av vaj tse:

    • Ib lub tsev uas muaj ib tsev neeg nyob uas muaj neeg xauj nyob: tsis tas yuav ceeb toom qhia rau paub ua ntej
      • Ib lub tsev uas muaj ib tsev neeg nyob uas muaj neeg xauj nyob: qhia rau tus tswv tsev thiab txhua tus neeg xauj tsev kom paub
      • Ib lub tsev uas muaj ob, peb, los sis plaub tsev neeg nyob: qhia rau tus tswv tsev thiab txhua tus neeg xauj tsev kom paub
      • Cov tsev khaws tej khoom puav pheej, tsev kawm ntawv los sis chaw zov me nyuam: qhia rau tus tswv los sis tus neeg ua hauj lwm ntawm lub tsev paub

    LUS CIM TSEG: Koj tsis tas yuav ceeb toom qhia rau lwm tus paub hais txog kev rov txuas hnub nyoog rau daim ntawv tso cai hauv txhua xyoo. 

    Sau daim ntawv ceeb toom (ua lus Askiv)

  2. Sau npe nrog Wisconsin Lub Tuam Tsev Hauj Lwm Ntsig Txog Kev Ua Liaj Ua Teb, Kev Lag Luam thiab Kev Tiv Thaiv Cov Neeg Siv Khoom (Department of Agriculture, Trade and Consumer Protection, DATCP)

    Sau Chicken Owner Registration (Kev Sau Npe Rau Tus Tswv Qaib) yam tsis tau them nqi (ua lus Askiv) nrog Lub Xeev Wisconsin. Thaum koj sau npe tiav lawm, ces koj yuav tau txais tus zauv sau npe. Koj tuaj yeem sau daim ntawv hauv oos lais los sis luam tawm thiab xa fev mus rau (608) 224-5034.

     Ua kom tiav daim ntawv online (ua lus Askiv)

    Sau daim ntawv (ua lus Askiv)

  3. Ua kom tiav Daim Ntawv Thov Daim Ntawv Tso Cai Tu Qaib hauv Nroog Madison

     Sau daim ntawv thov (ua lus Askiv)

    Thov hauv oos lais:

    Nkag mus rau hauv koj tus as khauj hauv Lub nroog Madison lub chaw muab kev pab saum huab cua txo (ua lus Askiv)g Licenses & Permits (Daim Ntawv Tso Cai thiab Daim Ntawv Pom Zoo) txhawm los sau daim ntawv thov no. Yog tias koj tsis muaj ib tus as khauj, ces koj tuaj yeem los sau npe kom tau ib tug (ua lus Askiv).

    Thaum koj qhib siv koj tus as khauj hauv email thiab nkag mus rau hauv lab npauv, ces los mus rau ntawm qhov chaw rau taum "License/Registration (Daim Ntawv Tso Cai/Kev Sau Npe)" thiab tom qab ntawd nyem rau ntawm "Apply for a License/Registration (Thov Daim Ntawv Tso Cai/Kev Sau Npe)" Xaiv "Chicken Owner Registration (Kev Sau Npe Rau Tus Tswv Qaib)" thiab txuas ntxiv thov daim ntawv thov kom tiav hlo.

    Tuaj yeem thov tau ntawm qhov chaw xa ntawv:

    Xa koj daim ntawv thov uas tau luam tawm tiav lawm, ib daim ntawv theej ntawm koj daim ntawv sau npe tu tsiaj txhu, thiab nyiaj li $10 mus rau Lub Chaw Ua Hauj Lwm Saib Xyuas Nyiaj Txiag hauv Nroog:

    Lub Nroog Madison Lub Chaw Ua Hauj Lwm Saib Xyuas Nyiaj Txiag 
    P.O. Box 2999 
    Madison, WI 53701

    Yog tias xav thov los ntawm tus kheej:

    Xa koj daim ntawv thov uas tau sau tiav lawm thiab tus nqi sau npe mus rau Lub Chaw Ua Hauj Lwm Saib Xyuas Nyiaj Txiag hauv Nroog ntawm:

    Lub Tsev Hauv Nroog-Cheeb Tsam Nroog
    210 Martin Luther King Jr. Blvd.,
    Room 101
    Madison, WI 53703

Cov Cai rau Kev Tu Qaib

  • Tus tswv, tus neeg ua hauj lwm los sis tus neeg xauj tsev yuav tsum tau txais daim ntawv tso cai.
  • Kev tu lau qaib yog txwv tsis pub tu.
  • Txwv tsis pub tua qaib ntawm qhov chaw no.
  • Yog tias tus neeg thov tsis yog tus tswv los sis tus neeg ua hauj lwm ntawm thaj av ntawd, lawv yuav tsum ceeb toom qhia rau tus tswv los sis tus neeg ua hauj lwm nrog rau txhua tus neeg nyob hauv thaj av paub txog lawv lub hom phiaj hauv kev xav yug qaib nyob rau ntawm thaj av ntawd.
  • Pub yug qaib tsis pub tshaj yim (8) tus yog kev siv ua hauj lwm pab ntxiv rau ntawm thaj av uas muaj txog li plaub (4) chav nyob.
  • Pub yug qaib tsis pub tshaj yim (8) tus tau txais kev tso cai los siv ua hauj lwm pab ntxiv rau cov chaw khaws khoom puav pheej los sis tsev kawm ntawv los sis chaw zov me nyuam.
  • Yuav tsum muaj laj kab thaiv cov qaib kom zoo thiab cov qaib yuav tsum nyob hauv laj kab los sis ib lub qhov chaw uas npog thaiv txhua lub sij hawm.
  • Lub chaw kaw qaib yuav tsum nyob deb yam tsawg kawg yog nees nkaum tsib (25) feet (fij deb) ntawm txhua lub tsev nyob ntawm ib thaj av uas nyob sib npuab.

Thov cim tseg: Tus Thawj Saib Xyuas Kev Faib Cheeb Tsam tuaj yeem tshem daim ntawv tso cai yug qaib tawm tau yog tias tus neeg thov ua txhaum peb los sis ntau dua ntawm ib qho ntawm txoj cai lij choj uas tswj hwm kev yug qaib hauv ncua sij hawm rau lub hlis.

Puas muaj lus nug txog daim ntawv thov?

Lub Nroog Madison Lub Chaw Khaws Nyiaj Txiag (ua lus Askiv) ua cov txheej txheem ntawm saim ntawv thov thiab daim ntawv tso cai.

Tus xov tooj: 608-266-4771

Fev: 608-266-4128

Email: treasurer@cityofmadison.com 

 

Nplooj ntawv no puas pab tau koj? * yuav tsum tau sau