Kev tshawb nrhiav ntaub ntawv (Discovery)
Cov Ntawv Qhia & Ntaub Ntawv
Koj muaj cai thov cov ntawv qhia (reports) thiab lwm yam ntaub ntawv uas cuam tshuam nrog koj rooj plaub los ntawm City Attorney’s Office. Txoj kev no hu ua Discovery (kev tshawb nrhiav ntaub ntawv).
Thov xa koj qhov kev thov yam tsawg kawg 45 hnub ua ntej hnub hais plaub los sis hnub mloog rooj plaub. Qhov no pab kom muaj sij hawm txaus rau koj tau txais cov ntaub ntawv.
Thov kev tshawb nrhiav ntaub ntawv (Request Discovery)
Hom Ntawv Luam (Print Format)
Yog koj xav tau hom ntawv luam, koj siv tau Printable Discovery Form.
Xa daim foos uas koj sau tiav lawm mus rau Attorney’s Office ntawm:
- Xa ntawv (Mail):
City of Madison Attorney’s Office
210 Martin Luther King Jr. Blvd., Room 401
Madison, WI 53703 - Email: attorney@cityofmadison.com
- Fax: 608-267-8715
Nqi Them (Fees)
Muaj nqi $0.25 ib nplooj (Los sis $0.30 ib nplooj rau xim). Yog koj thov xa ntawv los ntawm kev xa ntawv, koj yuav tsum them nqi xa ntawv (postage) ntxiv.
Cov nqi no yuav tsum them thaum koj tau txais cov ntaub ntawv. Koj them tau los ntawm:
- Online: Them online (ua lus Askiv)
- Xov Tooj: 877-822-8430
- Xa ntawv (Mail):
City of Madison Treasury
P.O. Box 20
Madison, WI 53701 - Drop box:
210 Martin Luther King Jr. Blvd. - Mus Them Tim Ntsej Tim Muag (In person):
City of Madison Treasury
210 Martin Luther King Jr. Blvd., Room 101
Sau daim tshev (check) kom them rau City of Madison Treasury.
Yees Duab Video Tub Ceev Xwm (Police Video)
Yog muaj cov yeeb yaj kiab video uas cuam tshuam nrog koj rooj plaub, koj thov tau ntawm Police Department.
Xa koj qhov kev thov yam tsawg kawg 45 hnub ua ntej hnub hais plaub lossis hnub mloog rooj plaub. Nco ntsoov tias Tub Ceev Xwm tsuas khaws video 180 hnub xwb.
Thov qhia meej tias qhov kev thov no yog rau rooj plaub hauv tsev hais plaub, thiab muab koj tus citation nab npawb nrog rau.